香港一日遊主題行程: 香港靚景攝影遊
可能自己都係一個鐘意影相的人，呢篇稿寫得特別快，搵相亦唔駛咁麻煩，起碼自己都有存貨！
其實o係香港搵景影相係有少少麻煩，因為好似下面介紹的幾個特式的中式庭園，附近都有一d高樓大廈，要影得好，角度真係好考功夫 …
早上出發，先到荔枝角的「嶺南之風」，即係荔枝角公園o既第三期，隔離就係曼哈頓山及美孚新村。
交通好方便，搭地鐵到美孚，步行過去大約只要10分鐘。
早上光線好，影相都靚d！
整個公園分為十個景區，園內的建築物皆環繞著中央水池向外伸延，以院落迴廊為布局。
12:00
中午時份，任何影相的人都知，頂光光線唔好影，影人影景都係，所以梗係到附近的屋苑食個lunch抖抖先啦！
13:30
出發到下一個目的地「南蓮園池」及「志蓮淨苑」。
此兩個景點前後仳鄰，搭地鐵到鑽石山站，沿指示步行10分鐘左右。
「南蓮園池」是屬於唐代的設計，有特色的木構建築，園池內放置奇石及遍植古樹，可取的素取眾多。
「志蓮淨苑」就在靠山的一邊，是一座仿照唐代藝術風格設計的木構建築群，主建築有天王殿、大雄寶殿等殿堂和常為攝影題材的荷花池。
兩個景點時常會有古樂欣賞會、佛教展覽，影相之餘都可以「洗滌心靈」。
16:30
要離開佛門清淨地，下一個目的地就係「西九海濱長廊」影日落。
交通不算太隔涉，在九龍站落車，步行約五分鐘，便可到達長廊的西邊入口。
(最近去了在海濱長廊搞的「美食佳餚巡禮」，不過夜太黑，沒有拍到日落之景，就借了一張由John Chan拍的日落全景照，來自 http://johnblog.phychembio.com/ )
19:00
天應該黑了，趁天仍有一點的餘暉走去拍友最新景點，位於文化中心對面的1881 Heritage。
1881 Heritage 於1884年至1996年曾是香港警察水警的總部，並於1994年成為香港法定古蹟，目前改建成酒店，並設有小型商場，傍晚及夜景都很吸引。
之後仲可以到對面的文化中心外影維港夜景。
一日的攝影之旅，到此結束！
by kelvin | Comments (0) | |
Leave a Reply
