11:00

今日第一個行程，就係到錦上路西鐵站附近的Flea Market 跳蚤市場Shopping!

呢個flea market 咩都有得賣咁濟，也有好多生活雜貨、時尚精品，價又平。

一早的早茶，應該未有咁快落晒格，一於去埋附近o既「紅磚屋」flea market。「紅磚屋」同先前去的一個，風格完全唔同。

「紅磚屋」逢星期六、日及公眾假期中午先開始開放。雖然唔大，但規劃整齊。內裡賣嘅一些家品也頗別緻，充滿歐洲風情的 flea market

(相片來自「紅磚屋」)

14:00

點零鐘出返元朗市中心食野。

元朗食野，有一樣特別之處，就係夠大件，好似區內出名的日本壽司舖，賣o既壽司真係大到「嘩嘩聲」！所以為左補充體力，就去「田中」排下隊，試下呢d出面油尖旺未必食到的「超長、超大」的壽司！

(相片來自Openrice.com, SmashingPumpkins)

記住搭輕鐵、西鐵都要用張「全日通」！返出去可以搭西鐵，元朗站落。
田中 壽司刺身店 – 青山公路18號恆發樓地下

15:00

食飽就繼續玩樂，到大西北，玩樂熱點首推「濕地公園」！

可以搭西鐵去返天水圍，再轉輕鐵705 / 706天水圍循環線，於濕地公園站下車

注意 … 公園星期二休息，擇日探下貝貝啦！

19:00

濕地公園17:00關門，下一站梗係又要食啦！

晚餐食豪d，到屯門三聖村食海鮮！

正呀！三聖村o既海鮮選擇又多、比較西貢同鯉魚門都要平，食指大動，唔講喇，睇相啦！

講多兩咀，三聖村裡面有2兩較有名氣的，其中一家叫「海天」，上過Wall Street Journal 架！

呢個一日「大西北之行」，無論係香港人抑或帶外地人去，一樣精彩！